BonPen Tourism Council (BPTC) Meeting

        Muling nagtipon ang BonPen Tourism Council (BPTC) sa pangunguna ni Bokal Bunso de Luna-Pasatiempo, ang taga-pangulo nito, upang pag-usapan ang panukalang kauna-unahang "Triathlon" sa BonPen.   Naging panauhin si Provincial Administrator Rommel M. Edaño Jr., na dating Co-chairperson ng BPTC, at kanyang ibinalita ang ninanais ni Gov. David C. Suarez ang pagkakaroon ng ganitong gawain sa BonPen.

       Naging bahagi din ng pagpupulong ang pag uulat ng bawat bayan sa kanilang mga proyekto, ordinansa at mga programang pang turismo at pang kalikasan. Maligayang ibinalita ng mga kinatawan ng iba't ibang bayan ang pagsasaayos ng pagpapatupad ng ordinansa laban sa pagamit ng plastik.  Ito ay may kaugnayan sa Clean and Green Program na muling inilunsad ng BonPen Tourism Council noong nakaraang 2010.

Bokal Bunso dumalo sa Awarding Ceremony ng Gulayan sa Paaralan Season 2

PUP Gen. Luna 3rd Founding Anniversary

          Naging Panauhing Tagapagsalita si Bokal Bunso de Luna sa 3rd Founding Anniversary ng Polytechnic University of the Philippines, Gen. Luna Campus.  Kanyang binahagi ang Seven (7) Habits of Highly Effective People na isinulat ni Stephen Covey na sumakabilang buhay na noong Hulyo 16 sa edad na 79.  Sinabi nya na malaki ang naging impluwensya sa kanya ng nasabing libro ni Stephen at ito ay kanyang naging gabay sa kanyang buhay paglilingkod.

          Naging bahagi din si Bokal Bunso at Mayor Jose Stevenson  Sanggalang sa Ceremonial Toss. 

 

Grupo ng Triathlon nagmula sa Maynila dumalaw sa BonPen

         Dumating ang grupo ni G. Ricky Ledesma para sa pagtatasa sa planong Triathlon na gagawin sa BonPen.   Naatasan ni Gov. Jay Jay Suarez si Bokal Bunso upang pamunuan ang  kauna-unahang Triathlon sa BonPen at maging sa Quezon.   Nagtungo ang inspection team sa bayan ng Padre Burgos, Agdangan at Unisan upang maghanap ng posibleng pagdadausan ng swimming, biking at running.    Buo ang suporta ni Bokal Bunso upang maisakatuparan ang gawaing ito upang higit na mapalakas ang turismo sa lalawigan.

Panunumpa ng Samahan Magulang at Guro sa Gen. Luna Central School Pinapurihan

Pinapurihan ni Bokal Bunso ang mga magulang at guro ng Gen. Luna Central School ng siya ay maging Panauhing Tagapagsalita sa ginanap na Grand Parents and Teachers Association (PTA) at Classroom Officers Oath Taking at Induction Ceremony noong Hulyo 4, 2012 sa Gen. Luna Covered Court.   Sinabi niya, na hindi madaling gawain ang magpaaral ng mga anak, subalit bilang mga magulang at guro, lahat ng pwede nating gawin ay ating gagawin, makatapos lamang ng pag-aaral ang ating mga anak.

Kinilala din niya ang malaking ambag ng lokal na pamahalaan sa pagsasaayos ng mga paaralan.  Naging pangulo ng Gen. Luna Central School si G. Verdan.