Public Hearing on Proposed Quezon Tourism Ordinance

Ginanap ang public at committee hearing para sa proposed Quezon Tourism Council Ordinance  na pinangunahan ni Bokal Bunso na author ng nasabing ordinansa at  dinaluhan ng mga Municipal/City Tourism Officers at Sangguniang Bayan/Panglungsod ng 39 na bayan, 2 siyudad, at mga kinatawan mula sa iba't ibang ahensya kagaya ng DILG, DTI, DepEd, PNP, PPDC, LTO, Bureau of Immigration, mga nagmula sa NGOs, at iba't ibang tourism stakeholders.

Masusing tinalakay ang bawat probisyon ng nasabing ordinansa.  Nilalayon nito na magkaroon sa apat (4) na distrito ng kanya-kanyang tourism council upang higit na matutukan ang bawat konseho, at ito ay kikilalanin bilang:

          Sierra Pacific Tourism Council - Unang Distrito

          Banahaw Tourism Council - Ikalawang Distrito

          BonPen Tourism Council - Ikatlong Distrito

          Lamon Bay Tourism Council - Ika-apat na Distrito

Sa kasalukuyan, ang Ikatlong Distrito pa lamang mayroong konseho at ito ay ang BonPen Tourism Council.   Kasama rin sa probisyon ng ordinansa ang paglalagay ng Provincial Tourism Council, ang pagkakaroon ng Annual Tourism Congress at ang Tourism Executive Management Committee (TExtManCom) na siyang pinaka-working core group.

Quezon Agri-Tourism Trade Fair 2012

Kasabay ng Pagdiriwang ng Quezon's Month ang kauna-unahang Niyog-Yugan Festival at ang Agri-Tourism Trade Fair sa Perez Park.  Bilang si Bokal Bunso ay tagapangulo ng turismo sa Sangguniang Panlalawigan, patuloy ang suporta niya sa mga ganitong gawain na tumutulong sa industriya ng mga magsasaka, mga mangingisda, kababaihan, at mga nagnenegosyo na nagpapakilala sa produktong Quezon.   

Bawat booth, float, street dancing at festival queen ay talaga namang pinaghandaan bilang pagpapakita ng kagandahan at kakanyahan ng bawat bayan.