Mga Kapitan at Brgy. Officials ng Padre Burgos kasali sa Table Skirting.

           Bahagi ng Nego-Diskarte Program ni Bokal Bunso ang isinagawang Table Skirting at Team Building ng mga Barangays sa Padre Burgos noong May 22, 2012 sa Municipal Covered Court ng nasabing bayan.

          Simpleng gawain subalit mapapakinabangan at malimit na gawain sa barangay ang mga pagtitipon-tipon, kung kaya't inanyayahan ni Bokal Bunso si Kon, Yvonne Mascardo ng Lopez, Quezon upang magbahagi ng kanyang kaalaman sa table skirting.   "Hindi kayo mapapahiya kahit Pangulo pa ng Pilipinas ang inyong maging bisita" iyan ang wika ni Kon. Yvonne.  "Sa ibang barangay ng aking mga naturuan ito ay napapagkakitaan na rin", dagdag pa niya.

          Binigyan ni Bokal Bunso ng panimulang 10 yarda ng tela at mga kagamitan ang bawat grupo para sa bagong livelihood project sa kabarangayan.  Ito ay maaaring gamitin sa halos lahat ng okasyon, maging seminar, binyagan, kaarawan, graduation, kasalan at iba pa.   Ang mga KALIPI ng barangay ng Marao, Yawe, Danlagan, San Isidro, Burgos, Kinagunan Ibaba, Kinagunan Ilaya, San Vicente, Villa Paz, Duhat, Hinguiwin, Cabuyao Norte ang mga naging delegado sa naganap na gawain.

3Ps o Pahiram Puhunan Program Inilunsad

          Sa pakikipagtulungan ng Tanggapan ni Bokal Bunso, inilunsad ang "3Ps o Pahiram Puhunan Program" na bahagi ng Nego-Diskarte o livelihood program ni Bokal.

          Isa sa mga nakatanggap na benepisyaro ang Samahan ng Magsasaka Para sa Kaunlaran (SAMAPKA) ng San Vicente, Catanauan, Quezon.  Sila ay nabiyayaan ng P15,000.00 para pandagdag puhunan sa kanilang sinimulang tindahan (P10,000.00) at Botika sa Barangay (P5,000.00).  

          Ang 3P's na programa ni Bokal Bunso ay naglalayong makapagsimula ng negosyo ang isang samahan o indibidwal.  Katulad din ng ibang financing institusyon, kinakailangang dumaan sa proseso ang mga nagnanais na maging benepisyaryo kagaya ng screening, basic orientation at imbetigasyon.   Ito ay zero interest, subalit kinakailangang makapagbayad sa takdang panahon.

          Ang proyektong ito ay patuloy pa rin sa ilalim ng NEGO DISKARTE ni Bokal Bunso.

Unlad Barangay sa Padre Burgos

    Dumalaw ang Unlad Barangay at Agrikultura sa bayan ng Padre Burgos upang magkalinga sa mga kanayunan.   Ipinamahagi ang mga kahilingan ng barangays kagaya ng semento, bakal, yero, plywood, buhangin at graba para sa mga pagawaing pambarangay, jetmatic pumps, toilet bowls, monoblock chairs, radio icom, mga seeds o binhi, atbp.

Canon Camera Photography Workshop

          Pinagunahan ni Bokal Bunso ang paglulunsad ng Photo Contest sa Lalawigan ng Quezon na ginanap sa Photography Workshop sa Old Capitol Building, Lungsod ng Lucena.   

        Layunin ng nasabing gawain ang makalikom ng mga magagandang larawan na maaaring gamitin sa brochures, posters, coffee table book at iba pang marketing collaterals para sa Tourism promotion ng Lalawigan. 

Kasama sina Canon Ambassadors Jo Avila, Jay Jallorina at Dindo Narciso.

Para sa iba pang impormasyon, makipag-ugnayan kay:

KELLY BAUTISTA (0922) 949-1145

Provincial Tourism Office, Capitol Compound, Lucena City.